كلشي فالمغرب كيبعث على الامل ولكن خاصنا نبقاو فديورنا. الاحصائيات
اليومية وشفاء الناس والحالة الوبائية ديال “كورونا فيروس” كلها فيها امل.
فيها ايجابية. اذن خاص الاستمرار شي اسبوعين فالدار باش نقدو ارواح ماواتنا
باواتنا خوتنا خواتاتنا جداتنا. نقدو ريوسنا وولادنا.
دراسة علمية دارتها كلية العلوم فالجديدة باشراف عزيز عطا فيها تفاؤل
كبير. بناء على الارقام المسجلة كيبين هاد الرسم باللي كلشي متحكم فيه.
الرسم كيبين باللي نهار البيك غاديين نوصلو 107. حنا مازال ما وصلناهش.
دابا بين 70 و80. ممكن نقربو ليه ممكن نراكموه فشي فترة ورقم الحالات يتوقف
وما يبقاش طالع.
وفق الدراسة فعدد المصابين غاديين نوصلو ل2200 حالة. دابا حنا فوق 630 حالة. يعني باقية 1570 حالة.
وفق الدراسة غادي يبقى هاد الفيروس يمتد حتى ل5 ماي المقبل. شهر و5 ايام.
ليست هناك تعليقات:
إرسال تعليق